النافع انسٹیٹیوٹ کا تعارف
النافع انسٹیٹیوٹ اپنی نوعیت کا ایک منفرد دینی،اسلامی اور تعلیمی ادارہ ہے۔تعلیم ہر انسان چاہے وہ امیر ہو یا غریب ،مرد ہو یا عورت کی بنیادی ضروریات میں سے ایک ہے ۔انسان اور حیوان میں فرق تعلیم ہی کی بدولت ہے۔تعلیم کسی بھی قوم یا معاشرے کےلئے ترقی کی ضامن ہے ۔تعلیم حاصل کرنے کا مطلب صرف سکول ،کالج،مدرسے سے کوئی ڈگری لینا نہیں بلکہ اس کے ساتھ تمیز اور تہذیب سیکھنا بھی شامل ہے تاکہ انسان اپنی معاشرتی روایات اور اقتدار کا خیال رکھ سکے۔اسی سلسلے کی ایک کڑی النافع انسٹیٹیوٹ ہے ۔
النافع انسٹیٹیوٹ کا اصل ہدف دین کی بنیادی تعلیمات خصوصا وہ احکامات جن کا علم حاصل کرنا ہر مسلمان پر فرض ہے آسان انداز میں لوگوں تک پہنچانا ہے۔ٹیکنالوجی کے ترقی یافتہ دور کے ساتھ ساتھ چونکہ مصروفیت کا بھی دور دورہ ہے اور ہر انسان کیلئے باقاعدہ وقت نکال کر کسی جامعہ ، کسی ادارے میں پہنچ کر خصوصاً دینی تعلیم کا حاصل کرنا مشکل ہوتا جا رہا ہے اسی کے پیشِ نظر ہر مکتبہ فکر کے ہر انسان کیلئے اس کے اپنے گھر میں ، اپنی مرضی کے وقت کے مطابق جب وہ چاہے النافع انسٹیٹیوٹ سے آن لائن دینی تعلیم بلکل فری میں حاصل کر سکتا ہے۔
النافع انسٹیٹیوٹ ہر عمر کے افراد کےلئے ان کی عمر کا لحاظ رکھتے ہوئے ان تک آن لائن دینی تعلیم پہنچانے کی کاوشیں کر رہا ہے۔بچوں، جوانوں اور عمر رسیدہ خواتین وحضرات کو دینی تعلیم کے زیور سے آراستہ کرنا ہمارا نصب العین ہے۔ ہماری خواہش ہے کہ ہر مسلمان خواہ مرد ہو یا عورت دینی تعلیم کے زیور سے آراستہ ہو کر اس دنیا میں بھی بہترین زندگی گزارے اور اُخروی زندگی کے لیے بھرپور تیاری کرکے یہاں سے رخصت ہو۔
النافع انسٹیٹیوٹ ایک فلاحی ادارہ ہے جو ڈونیشن (تعاون) کی بنیاد پر چلتا ہے۔ ادارے سے منسلک سٹوڈنٹس سے کسی بھی قسم کی فیس وصول نہیں کی جاتی البتہ جو ادارے سے تعاون کرنا چائیں وہ کر سکتے ہیں۔ آپ کے دیئے گئے تعاون کو ، اساتذہ، طلبہ ،عملےاور ادارے کی دیگر ضروریات پر خرچ کیا جاتا ہے۔
