خَيْرُكُمْ مَنْ تَعَلَّمَ الْقُرْآنَ وَعَلَّمَهٗ۔
تم میں سب سے بہتر وہ شخص ہے جو قرآن سیکھے اور اسے سکھلائے۔
رجسٹر ہوں
النافع انسٹیٹیوٹ اپنی نوعیت کاایک منفرد دینی تعلیمی ادارہ ہے۔ تعلیم ہر انسان کی بنیادی ضرورت ہے خواہ وہ امیر ہو یا غریب،مرد ہو یاعورت۔انسان اور حیوان میں فرق تعلیم ہی کی بدولت ہے۔ تعلیم کسی بھی قوم یا معاشرے کےلئے ترقی کی ضامن ہے۔ تعلیم حاصل کرنے کا مطلب صرف سکول،کالج،مدرسے سے کوئی ڈگری لینا نہیں بلکہ اس کے ساتھ اخلاق و آداب سیکھنا بھی ضروری ہیں، تاکہ انسان اپنی معاشرتی روایات اور اقتدار کو جان سکے اور ان پر عمل پیرا ہو سکے۔اسی سلسلے کی ایک کڑی النافع انسٹیٹیوٹ ہے۔
النافع انسٹیٹیوٹ کا اصل ہدف دین کی بنیادی تعلیمات خصوصا وہ احکامات جن کا علم حاصل کرنا ہر مسلمان پر فرض ہے آسان انداز میں لوگوں تک پہنچانا ہے۔ٹیکنالوجی کے ترقی یافتہ دور کے ساتھ ساتھ چونکہ مصروفیت کا بھی دور دورہ ہے اور ہر انسان کیلئے باقاعدہ وقت نکال کر کسی جامعہ، کسی ادارے میں پہنچ کر خصوصاً دینی تعلیم کا حاصل کرنا مشکل ہوتا جا رہا ہے اسی کے پیشِ نظر ہر مکتبہ فکر کا ہر فرد اپنی مرضی کے اوقات میں النافع انسٹیٹیوٹ سے آن لائن دینی تعلیم بالکل فری حاصل کر سکتا ہے۔
نماز کی درستگی کا انحصار درست تلاوت قرآن کریم پر ہے، ناظرہ قرآن کریم کورس کا مقصداس بات کو یقینی بنانا ہے کہ ہم قرآن مجید کی درست اور خوبصورت تلاوت کرنا سیکھ جائیں۔ اس کورس میں آپ حروف کی پہچان، ان کی صحیح ادائیگی اور تجوید کے بنیادی اصولوں پر عبور حاصل کریں گے۔
عقیدہ ہر عمل کی بنیاد ہے اور آخرت میں تمام نیک اعمال کی قبولیت کی شرط ہے ۔ اس کورس میں آپ کو توحید (اللہ کی وحدانیت)، رسالت (پیغمبروں پر ایمان) اور آخرت (قیامت اور آخرت کی زندگی) کے بارے میں سیکھنے کا موقع ملے گا۔ دوران کورس ہم ان عقائد کو قرآن و سنت کی روشنی میں سمجھیں گے، تاکہ ہم اپنے ایمان کو مضبوط بنا سکیں اور اسلامی تعلیمات کو اپنی زندگی میں بہتر طریقے سے نافذ کر سکیں۔
طہارت اور نماز اسلام میں اہم ترین عبادات ہیں، جنہیں ہر مسلمان کے لئے فرض قرار دیا گیا ہے۔ طہارت ایک بنیادی ضرورت ہے جس کے بغیر نماز قبول نہیں ہوتی۔ طہارت کورس میں آپ غسل اور تیمم کا طریقہ، غسل کو فرض کرنے والے نکات اور طہارت کی بہت سی فضیلتوں کو جانیں گے۔ نماز، جسے پنج وقتہ ادا کیا جاتا ہے، نہ صرف روحانی سکون فراہم کرتی ہے بلکہ بندے کو اللہ کے قریب لاتی ہے۔ اس کورس میں آپ پانچ وقت کی فرض نمازوں کے علاوہ نمازِ جنازہ، نمازِ عید، نوافل، مسافر کے لئے نماز میں رعایت اور بہت کچھ سیکھیں گے۔
مسلمان کا موقع محل کے مطابق مسنون دعاؤں کے پڑھنے کا اہتمام کرنا اللہ تعالیٰ کے نزدیک پسندیدہ عمل ہے۔ دعا اسلام کا ایک لازمی حصہ ہے جو آپ کو اپنی زندگی میں درپیش ہر قسم کے مسائل میں اللہ کے ساتھ رابطے میں رہنے میں مدد کرتی ہے۔ مسنون دعائیں کورس کا مقصد آپ کو روزمرہ کی زندگی میں پڑھی جانے والی دعاؤں سے روشناس کرانا اور ان کی اہمیت کو اجاگر کرنا ہے۔ اس کورس میں آپ مختلف مواقع پر پڑھی جانے والی مسنون دعائیں سیکھیں گے۔
اگر آپ پڑھانے کی صلاحیت رکھتے ہیں اور النافع انسٹیٹیوٹ کے ذریعے دینی علوم کی نشر و اشاعت کا حصہ بننا چاہتے ہیں تو بطورِ معلم آپ رجسٹریشن کروا سکتے ہیں۔
اگر آپ کو دینی علوم کے حصول کی ضرورت اور شوق ہے تو النافع انسٹیٹیوٹ سے آپ گھر بیٹھے آن لائن رجسٹریشن کروا کر بلکل فری میں دینی علم حاصل کر سکتے ہیں۔